IV Copa Galicia de Xadrez
Escolar Maristas Ourense

Ourense

Colexio Maristas - Ourense Rúa Bedoya – Entrada por R/ Valle Inclán (Polideportivo)

Informa: Club Xadrez Fontecarmoa (Vilagarcía de Arousa) Web

Crónica Club Fontecarmoa/Vilagarcía de Arousa:

OS IRMÁNS SEGURA SANTOS CAMPIÓNS

Durante toda a xornada do sábado celebrouse a IV Copa Maristas Ourense 2010, organizado polo Club Xadrez Ourense e patrocinado polo Colexio Maristas da Cidade das Burgas.

Campións Sub-8

A participación foi numerosa acadándose a cifra de 300 xadrecistas de toda Galicia que disputaron un deportivo torneo, quinta proba do V Circuito Galego Escolar de Xadrez, repartidos en cinco categorías, Cadete, Infantil, Cría, Benxamíns e Promesas.

Campións Sub-10

Na vila ourensán déronse cita os mellores novos xadrecistas de Galicia, xa que a proba era valedoira para o V Circuíto Galego Escolar, que gozaron dunha perfecta xornada de convivencia xa que ademais de competir no seu deporte preferido, gozaron dunha xornada de amizade e relación, foron convidados á comida pola organización e recibiron regalos pola súa participación no evento.

Campións Sub-12

A nota máis destacada dos xogadores do Fontecarmoa foron as brillantes vitorias dos irmáns Segura Santos nas súas respectivas categorías, ambos os dous ademais quedando invictos e conseguindo 6,5 puntos de 7 posibles. Así, Jorge Segura conseguiu a vitoria en Benxamíns e o seu irmán Luis, conseguiuna na dura categoría Infantil, onde outro xogador vilagarciano, Jesús Martínez foi noveno con 4,5 puntos.

Campións Sub-14

A estes dous importantes oros, que serven aos irmáns Segura para situarse en zona de podio da provisional do Circuíto Galego, hai que unir a prata de Julio Suárez en categoría Alevín, que o confirma como líder destacado do Circuíto. Nesta mesma idade, outro xogador do Fontecarmoa, conseguiu a novena praza, foi Jorge de Santiago con 5 puntos.

Campións Sub-16/Sub-18

O primeiro vilagarciano da categoría Cadete foi Adrián Betanzos que rematou décimo terceiro con 3,5 puntos.

A vindeira cita dos novos xadrecistas vilagarcianos será o sábado día 19 co Torneo Concello de Mugardos, sexta proba do Circuíto, á que o club vilagarciano desprazará uns 40 xogadores.

Club Xadrez Fontecarmoa
http://www.cxfontecarmoa.com/

Información Realcionada:

IV Copa Galicia de Xadrez Escolar Maristas Ourense
Resultados / Crónica do Club Xadrez Ourense (Organización)

Informa:

Club Xadrez Fontecarmoa
http://www.cxfontecarmoa.com/

TablaDeFlandes