Galicia
Crónicas da Liga Galega de Clubs
Circulo Chantadino - 1ª División Grupo C
Sábado 19 febreiro de 2011
Informa: Anxo Boán Círculo Chantadino Web
Crónica Rolda 7:
Circulo Xadrez Chantada A 1,5 –Alekhine Correduría Tempu 2,5
O Circulo de Xadrez de Chantada A, non acaba de repuntar e despois das partidas das últimas xornadas, comida de matanza e cocido previo, parece cada paso máis fundido na táboa clasificatoria, e o que é máis alarmante e que os puntos acadados, agás unhas táboas de Pitelo na partida que xogou e unha vitoria de Boado concéntranse nos taboleiros de Gotera e Alejandro Hoffman que responden as súas expectativas mentres os demais membros do equipo non acaban de encontrar o seu sitio en primeira división.- Un equipo que ascendeu de forma brilante o ano pasado e que aparece nesta categoría reforzado con Boado, Pitelo e Julio Álvarez non debería estar na zona na que está, e quizais de aquí ao fin de tempada haxa que concentrarse máis no taboleiro ca nos demais eventos, que están ben e non son reprochables, pero polo menos debemos intentar cada un dar o que temos dentro e chegar as partidas en óptimas condicións en lugar de lamentar esta situación, que non dubidamos seremos capaces de solventar, e logo xa virán as reunións e celebracións que reforcen a cohesión existente entre os socios, tan importante ou máis ca os resultados deportivos, pero a bo recado se poden aprazar ou deixalas para despois das partidas .
Circulo Xadrez Chantada vs Alekhine de Vigo. De esquerda a direita e co orde do taboleiro invertido
Julio Alvarez, Pedro Guitián, José Miguel Fortes (Gotera) e Alejandro Hoffman.-
As partidas unha a unha comentadas por Hoffman diste xeito:
A. Hoffman 1 - Julio Fernández 0.
As negras deixáronse un peón central en plena apertura e logo só tiveron que agardar a que as brancas de a pouquiño lles montaran un ataque no flanco de rei que sumado ao control do centro grazas ao peón de máis foi imparable.
Santiago Hernández 1/2 Gotera 1/2
Logo dunha manobra estraña coa dama na apertura gotera logrou unha posición de clara vantaxe posicional contra o esquema de peón illado en que quedaron as brancas. Inexplicablemente cando ía a facer o plan gañador tocou o alfil do lado do que ía mover e iso fixo que perdese dous peóns. Logrou remontar para finalmente facer táboas merecidas nun final de alfís de distinta cor.
Pedro Guitián 0 - Alberto Misa 1
Pedro saíu equilibrado da apertura, entregou unha calidade de xeito dubidosa e o seu rival mais tarde lle devolveu o favor entregando unha peza pero Pedro confundiuse tacticamente e quedou perdido. Aínda lle está custando a Pedro entrar en ritmo.
Antonio Gómez 1- Julio Álvarez Flórez 0
Julio saíu peor da apertura e inclusive o seu rival gañáballe unha peza nun momento pero non o viu. Logo Jullo foi complicando moi ben pola á de dama logrando unha boa posición pero quedou moi curto de tempo e chegou a un final perdido pero o seu rival volveu a descoidarse e Julio xa conseguiu un final de torres que debeu polo menos empatar pero comezou a xogalo de xeito moi pasivo e rematou perdéndoo
CIRCULO XADREZ CHANTADA A | Res. |
ALEKHINE-CORREDURIA TEMPU |
---|---|---|
ALEJANDRO SERGIO HOFFMAN | 1 - 0 |
JULIO FERNÁNDEZ ALONSO |
JOSÉ MIGUEL VÁZQUEZ FORTES | ½ - ½ |
SANTIAGO HERNÁNDEZ HERAS |
PEDRO GUITIAN VÁZQUEZ | 0 - 1 |
ALBERTO MISA JUNCAL |
JULIO ÁLVAREZ FLOREZ | 0 - 1 |
ANTONIO GÓMEZ RODRÍGUEZ |
Resultados 1ª C. Rolda 7
Equipo local | Resultado |
Equipo visitante |
---|---|---|
CÍRCULO XADREZ CHANTADA A | 1,5 - 2,5 |
ALEKHINE-CORREDURIA TEMPU |
UNIVERSITARIO DE OURENSE "A" | 2 - 2 |
EXP IVAN SALGADO LOPEZ |
XADREZ OURENSE "B" | 0 - 4 |
LUCENA "A" |
PEÑA RECREATIVA-PERA | 0 - 4 |
CXF-PORTO DE VILAGARCIA |
UNIVERSIDAD DE VIGO-XADREZ GALEGO | 1 - 3 |
LAROCA-NIGRAN "A" |
FISCHER MOAÑA | 2,5 - 1,5 |
CLUB XADREZ BUEU "A" |
Clasificación: http://www.gefe.net/
TERCEIRA DIVISIÓN, GRUPO E
Loureiro B 1,5 -Circulo Xadrez Chantada b 2,5
Liderado e ascenso a segunda dos chantadinos
O Circulo de Xadrez de Chantada B, que dende o derradeiro día 12, co mero feito de asistir ao encontro estaba matematicamente en segunda división (soben tres no grupo) acadou no local do Loureiro B o campionato de grupo tras vencer pola mínima ao equipo local.
Moi bo ambiente no desenrolo do encontro entre dous clubes que o xadrez quixo facer dos seus compoñentes un grupo de amigos, inda que rivais no taboleiro, e onde o Loureiro nada se xogaba, e o Circulo B quizais aquela honrilla de poder acadar o liderado de grupo.
Circulo Chantadino B selando o liderado.
De esquerda a dereita Anxo García Brea, Lionel Salgado, Anxo Boán e Manuel García.
No taboleiro número un David Tabares (brancas) 0,5 –Anxo Boán (negras) 0,5 Anxo Boán non se encontraba nas mellores condicións de disputar a partida por motivo dun inflamón facial que non remataba de molestar e Tavares, quen ultimamente tiña como rival a Camilo, fai dous anos en terceira división onde ademais da vitoria de Tabares os do Loureiro nos gañaran en Chantada por 1-3, e o ano pasado en segunda onde Tabares gañara a dama por unha torre e logo camilo logra unhas meritorias táboas nun final onde a dama de Tavares foi incapaz de vencer a torre de Camilo, quen con hábil picaresca logrou forzas as táboas.
A partida saíu igualada, logo Boán tomou a iniciativa sen ser capaz de lograr froitos do ataque, e veu o contraataque de Tavares, quen incluso estivo a punto de gañar calidade. Boán logrou forzar unha serie de trocos chegando a unha posición que se se podería cualificar de equilibrada, peón illado de Boán polo centro compensado cunha mellor posición do seu rei cando o Ourensán ofreceu unhas táboas que foron aceptadas polo Chantadino, conscente da posición igualada e que non estaba nas mellores condicións para disputar o final de rei e pions que se aveciñaba.
No taboleiro numero dous Anxo Brea (blancas) 1 – M. Angel R. Ojea 0 Esta partida tivo dúas fases ben diferentes, unha primeira que despois da apertura ambos xogadores cegaron a unha posición rara, e na que Anxo Brea que contaba cunha moito mellor posición de ataque chegou a perder unha peza por peóns, pero seguiu a partida onde Brea, unido a un erro do rival conseguiu recuperar a peza e logo capturar unha torre nunha posición de ataque que obrigaba ao rival a renderse.
No taboleiro numero tres David Rodríguez (brancas) 0– Lionel Salgado (negras) 1 Partida na que o xovencísimo xadrecista Lionel Salgado (12 anos) tiña como rival ao inda máis xovencisimo xadrecista David Rodríguez. Lionel saíu mellor da apertura con bo desenrolo das pezas e unha posición sólida no centro do taboleiro. Pouco máis que comentar, Lionel foi impoñendo pouco a pouco e logo atacou directamente ao rei rival que rende ante un mate inevitable.
No taboleiro numero catro, Manuel García (brancas) 0 – Andrés Ibarra 1. Se de voltar favores se trata ninguén tan agradecido como Manuel García na partida que fixo con Andrés Ibarra. Tras unha apertura equilibrada Andrés Ibarra fixo a Manuel un inexplicable regalo de peza menor que permitiu a Manuel chegar a unha posición cuio mate para Ibarra parecía inevitable, pero como de favores iba a partida, en lugar de preparar un mate que ía a chegar dun momento a outro, Manuel regálalle inexplicablemente a dama ao rival voltandolle así o favor do Alfil con intereses. A partir de ahí a situación cambiou radicalmente e Ibarra liberando as suas pezas lanza o contraataque contra o Rei de Manuel que tiña totalmente desprotexido e Ibarra non perdonou nin fixo máis favores.
Se a vitoria do Circulo b engadimos o punto que os do circulo c acadaron fronte a casa da xuventude foi suficiente para manter o liderado do grupo co ascenso a segunda división que xa estaba asegurado.
Circulo Xadrez Chantada C – 1 Casa da Xuventude A.- 3
Sorprendente vitoria de Antón Pardo fronte ao seu rival da casa da xuventude. Este cronista atopábase en Ourense con mor da visita ao Loureiro b e non dispón de datos obxectivos para enviar unha crónica de cada un dos taboleiros, agás unhas fotos adicadas aos protagonistas do encontro dun e doutro bando.- Felicidades a Antón Pardo pola súa vitoria inda que non se dispoñía de foto especifica para a lembranza da súa actuación.
Circulo Xadrez Chantada C vs Casa da Xuventude A
Miguel Puga (Casa da Xuventude A)
Alberto Pérez (Circulo Chantadino C)
Gabriel Pérez (Circulo Chantadino C)
Ángel Domínguez (Casa da xuventude A)
O Circulo Chantadino C rematou en sexta posición a liga nuns rapaces que deron o que tiveron dentro e tras as dúas primeiras xornadas sen puntuar lograron facelo no resto da liga galega que auguran unhas boas expectativas para a vindeira tempada.
Anxo Boán
Circulo Chantadino de Xadrez
http://www.cichaxa.es
Sitios Relacionados:
Circulo Chantadino de Xadrez
http://www.cichaxa.es
Federación Galega de Xadrez
http://www.fegaxa.org
Programa GEFE. Resultados da Liga Galega de Clubs
http://www.gefe.net